حقق الإعلان الدعائي لشركة «فودافون» رواجًا كبيرًا حيث تخطت مشاهداته أكثر من 2 مليون مشاهدة على موقع الفيديوهات الشهير «يوتيوب».
وشهد الإعلان ظهور مميز لعدد كبير من الفنانين من بينهم شيرين وعمرو يوسف وزوجته كنده علوش والنجم تامر حسني، بالإضافة إلى عدد من نجوم النادي الأهلي وأبرهم رمضان صبحي وسعد سمير.
وأثار الإعلان ضجة كبيرة على موقع التواصل الاجتماعي فيسبوك، حيث تطرق البعض إلى وجود سقطات في الإعلان، وذلك وفقًا لما ذكره الناقد هشام عيفي.
ونستعرض السقطات في التقرير التالي:
1 – بلطجة شيرين
وقال «عفيفي» في برنامج «التحليل الاستراتيجي»: «شيرين كانت بتتسحر في مكان عام كده وفجأة راحت خان الخليلي، وفي راجل بيعرض عليها سبحة كده وبيقول لها إيه رأيك راحت واخداها وماشية».
وتابع الناقد الفني: «لأ دي مش بلطجت هنا وبس لأ وكمان بتهوش الولد الصغير».
2 – عزومة كندة علوش لحماتها
وقال عفيفي في «التحليل الاستراتيجي»: «عمرو يوسف الناس فضلت تحسدهم على الـ 140 فرح اللي عملوهم وفي النهاية ما عزمتش حماتها ولا مرة».
وتابع الناقد الفني: «لأ وكمان أم عمرو يوسف وهي ماشية تحس انها هاي كلاس اوي وكأنها خارجة من بوتيك».
3 – رمضان صبحي بيذل أصحابه
رمضان صبحي وهو بيكلم زمايله، وهو بيغمزلهم واضح انهم ما كانوش بيباصوا له الكورة وهو بيذلهم دلوقتي إن هو في إنجلترا دلوقتي، مش دي المشكلة الصراحة».
وتابع الناقد الفني: «المشكلة دلوقتي إن هو بيقول وحشتني وقفتي في الملعب، هل يعني هو مش بيلعب في النادي اللي هو في حاليا، مش بيرضو يلعبوه او مصاب مثلا».
واستطرد: «الانتقال عنده سريع جدا في إنجلترا كده متأكدين إنه مش مصاب، لأ ده بيطير كمان».
4 – عامل النادي الأهلي
أضاف عفيفي تحليله لإعلان فودافون الجديد قائلًا: «اللي لفت انتباهي في الإعلان، الراجل الغلبان اللي موجود على اليمين، رد فعله مبالغ فيه شوية، لما بيقول إنه هيعزمهم لما يرجع من إنجلترا، عامل الأهلي قال ألف حمد وشكر ليك يا رب وأنا بطالب لاعبي النادي الأهلي يعزمزا الراجل ده كل يوم».
